I ftuar në emisionin “Top Talk” avokati Spartak Ngjela foli mbi protestën e studentëve, ku deklaroi se ata e kuptuan që “varfëria e tyre dhe familjeve të tyre është si pasojë e korrupsionit”.
“Brenda tyre ata kanë diçka të përbashkët: antikorrupsionin. Korrupsioni shtetëror nuk është vetëm në një qelizë, por në të gjitha qelizat e shtetit. Ka korrupsion kudo, edhe në universitet. Studentët e kanë parë që këta janë në luks dhe vetë të varfër. Këta e kanë kapur demin nga brirët”, deklaroi Ngjela.
