Presidenti i Serbisë, Aleksandar Vucic, ka thënë se Bullgaria ka keqkuptuar deklaratat e kryediplomatit serb, Ivica Dacic, i cili tha se kryeministri Boyko Borisov nuk duhet të merret me BE’në e Borellin, transmeton Gazeta Metro.
N1 raporton se Vucic ka thënë që Serbia dhe Bullgaria kanë marrëdhënie të mira e se ndodhitë e fundit, janë vetëm keqkuptime të përkohshme.
“Bullgaria e ka njohur pavarësinë e Kosovës, Serbia nuk e njeh atë. Këto janë dallimet tona. Në të gjitha gjërat e tjera, kemi marrëdhënie të mira, kjo është një keqkuptim i përkohshëm. Unë do të bisedoj në javën e ardhshme me kryeministrin Boyko Borisov dhe Presidentin Radev. Ne kemi anëtarë të pakicës bullgare në parlamentin serb, të cilët dua të ndjehen si në vendin e tyre” tha Vuçiq në një konferencë për shtyp.
Ai shtoi se personalisht do të avokojë për ‘kthim në rrugën e marrëdhënieve të mira’ me Bullgarinë, e atë sa më shpejtë që të jetë e mundur.
Kujtojmë se pëprlasjet mes Serbisë e Bullgarisë filluan pasi që kryeministri bullgar, Borisov, deklaroi se Përfaqësuesi i Lartë për Punë të Jashtme dhe Siguri, Josep Borrelli, duhet ta respektojë qëndrimin e Bashkimit Evropian për Kosovën, e jo ta mbaj qëndrimin e Spanjës, vend edhe nga ky vjen.
Kundër kësaj deklarate reagoi ashpër Ivica Dacic, i cili tha se Borisov nuk duhet të merret me BE’në dhe Borellin, pasi që të dy palët, nuk e trajtojnë Kosovën si shtet të pavarur./gazetametro
