Si pjesë e një mosmarrëveshjeje mbi kontrollin e rezervave të gazit natyror në Detin Egje, zyrtarisht aleatë brenda Aleancës së Atlantikut të Veriut, Greqia dhe Turqia vazhduan një luftë verbale të dielën.
Ministri grek i Energjisë, Kostis Hatzidakis tha se Turqia po përdorte kërcënime lufte për të ndjekur politika të përshtatshme për shekullin e 19.
“Megalomania dhe vetëkënaqësia në anën tjetër të Detit Egje janë një bazë e keqe për vendimmarrje,” tha Hatzidakis.
Turqia më parë kishte kërcënuar Greqinë me luftë nëse zgjeronte detin e saj territorial në zonën e diskutueshme.
“Nëse kjo nuk është arsyeja e luftës, atëherë çfarë është,” tha Zv/Presidenti Fuat Oktay.
Presidenti grek Kyriakos Mitsotakis ka njoftuar se deti territorial grek në Jon, të cilin e ndan me Italinë, do të zgjerohet nga gjashtë në 12 milje detare (11 në 22 kilometra).
Rezervat e mëdha të gazit natyror besohet të ekzistojnë në Mesdheun lindor dhe Turqia po shqyrton mundësinë në zonat e pretenduara nga Qiproja ose Greqia.
Ushtritë greke dhe turke janë secila duke mbajtur ushtrimet e veta ushtarake në zonën e diskutueshme.
Qysh në vitin 1995, parlamenti turk vendosi që zgjerimi grek i detit territorial do të ishte një casus belli për luftë.
Sipas vlerësimeve të Institutit Gjeologjik Amerikan nga viti 2010, ka 5.765 miliardë metra kub gaz në pellgun e Levantit.
