Një grup qytetarësh nga Kërçova dje zhvilluan në protestë me makina kundër shtrenjtimit të energjisë elektrike. Qytetarët protestuan duke lëvizur në kolonë me makinat e tyre në aksin rrugor Shkup – Ohër në pjesën që kalon përmes Kërçovës.
Protesta ka zgjatur për gjysmë ore dhe se qytetarët kanë kërkuar që të tërhiqet vendimi qeveritar për shtrenjtimin e energjisë për 7 për qind, ndërsa çmimi i energjisë të ulet për 20%, të hiqet monopoli i shërbimeve nga EVN, të shpërndahet Komisioni Rregullator për Energjetikë, zvogëlim të TVSH si dhe kushte tjera.
