Fadil Nura është deputeti i radhës nga Partia Demokratike e Kosovës i cili do të zëvendësojë Kadri Veselin.
Nura ka marrë pjesë në zgjedhjet e 6 tetorit të vitit që lamë pas, ku dhe ka siguruar 8,959 vota.
KQZ sot miratoi këtë rekomandim të Zyrës së Presidentit të Kosovës, për kandidatin e radhës për deputet të Kuvendit të Kosovës.
Kujtojmë se Veseli ka dhënë dorëheqje nga posti i kryetarit të PDK-së dhe nga posti i tij si deputet, pas konfirmimit të aktakuzës nga Gjykata Speciale.
