Presidenti rus Vladimir Putin tha se Shtetet e Bashkuara ishin gabim kur menduan se janë “mjaft të fuqishme” për t’u larguar me kërcënimet ndaj vendeve të tjera, një gabim, tha ai, që çoi në rrëzimin e ish-Bashkimit Sovjetik.
Putini i bëri komentet gjatë një konferencë për shtyp të Premten vonë ndërsa foli për sanksionet e SHBA kundër Moskës, sipas agjencisë së lajmeve ruse TASS.
Ai foli vetëm disa ditë para një takimi me presidentin e SHBA-së, Joe Biden, kabineti i të cilit në Prill vendosi një sërë sanksionesh ndaj Rusisë, duke përfshirë kufizimet në tregun e saj të borxhit sovran.
“Ne dëgjojmë kërcënime nga Kongresi, nga burime të tjera. E gjitha është bërë brenda kontekstit të procesit të brendshëm politik të Shteteve të Bashkuara,” u citua Putini të thoshte.
“Njerëzit që e bëjnë këtë, ata ndoshta supozojnë se Shtetet e Bashkuara kanë një forcë të tillë ekonomike, ushtarake dhe politike sa mund t’i shpëtojnë kësaj. Nuk është ndonjë çështje e madhe, kjo është ajo që ata mendojnë”-vijoi ai.
Putin tha se një sjellje e tillë i kujtonte Bashkimin Sovjetik.
“Problemi me perandoritë është se ata mendojnë se janë mjaft të fuqishëm për të bërë disa gabime. Ne do t’i blejmë këta (njerëz), do t’i ngacmojmë, do të bëjmë një marrëveshje me ta, do t’u japim gjerdan, do t’i kërcënojmë me anije luftarake. Dhe kjo do t’i zgjidhë të gjitha problemet. Por problemet grumbullohen. Vjen një moment kur ato nuk mund të zgjidhen më “-përfundoi Putin.
Biden dhe Putin do të takohen në Gjenevë në 16 Qershor, Shtëpia e Bardhë dhe Kremlini kanë thënë se tema diskutimi do të jetë një “gamë e plotë të çështjeve të ngutshme”.
