Kryetari i komunës së Tetovës, Bilall Kasami sot ka qëndruar për vizitë në Korçë. Lidhur me këtë vizitë ai ka dhënë detaje në faqen e tij në rrjetet sociale.
“Historia e qytetit të Korçës, është histori e shqiptarëve. Në vizitën time në Korçë, nga afër pashë Mësonjëtoren e parë shqipe për të mësuar shumëçka që nuk është thënë deri më tani. Muzeu i fotografisë “Gjon Mili” është një tjetër histori në vete që tregon shumëçka për qytetin e Korçës dhe bukurit artistike në të. Gjatë qëndrimit në Korçë, vizitova edhe Muzeun Arkeologjik, një muze shembull me përplot histori në vete dhe historinë shqiptare. Korça, ky qytet shembull i trashëgimisë kulturore!”, ka shkruar Kasami. /INA/
