Me këngë e valle, zurla e tupana, e me ovacione, “Po, ka Bilall këtu”. Kështu e nisën mbrëmë festën anëtarët simpatizantët dhe drejtuesit e Lëvizjes BESA, të cilët, në garën e djeshme për e komunës së Tetovës, mundëm Bashkimin demokratik për integrim më një dallim prej rreth 1000 votash. Simpatizantët e Lëvizjes BESA që kishin dalë për të festuar, thanë se kjo fitore ka qenë e pritshme, ndërsa porositën kreun e Lëvizjes Bilall Kasami, që këtë fitore ta shndërroj në punë dhe përkushtim sepse asgjë nuk është e përjetshme.
“Me shpirt e kemi pritur, me shpirt dhe jemi të kënaqur jashtë mase. Diktatura ra dhe iu kry puna”, tha një qytetar.
“Po e kemi prit dhe shumë të sigurt kemi qenë. Popullata do ndryshim dhe për këtë e kemi pritur kët fitore. Dhe festojmë më se e vërtetë”, deklaroi një tjetër qytetar.
“Gjithsesi gjithsesi se e kemi pritur, Bilall Kasami është punëtor. Dhe tani nga gëzimi kemi ardhur të festojmë”, shtoi një tjetër qytetar.
“Logjikisht kjo fitore është pritur, njerëzit kanë arritur të bëjnë paralele nga e Zeza dhe e bardha”, deklaroi një tjetër qytetar.
Kasami ka falënderuar gjithë përkrahësit e Lëvizjes BESA, ndërsa ka premtuar edhe një herë se, do sakrifikojë gjithçka, për një Tetovë më të mirë për banorët e saj.
“Më lejoni që sonte edhe një herë nga Sheshi Iliria të falënderoj gjithë qytetarët e Tetovës, pa marrë parasysh përkatësinë politike etnike dhe fetare, gjithë sot votuan për vazhduar ndryshimi në Tetovë dhe zhvillimi në Tetovë, që ajo të jetë një qytet siç të gjithë e duan. Tetova të jetë një qytet ku rinia do ndalet dhe do gjej të ardhmen dhe perspektivën e saj këtu. Tetovarët janë fituesit e kësaj gare dhe Tetovarët e meritojnë përkushtimin tim pafund. Deri në fund të mandatit Tetovës, i premtoj dhe i jap besën se Bilall Kasami, do sakrifikoj më të mirën për një Tetovë të zhvilluar dhe një Tetovë që e duam krejt”, u shpreh Bilall Kasami, kryetar i Lëvizjes BESA.
Kryetari i BDI-së, Ali Ahmeti ka pranuar disfatën e partisë së tij në këto zgjedhje, duke theksuar se për të më me rëndësi se fitorja është demokratizimi dhe sundimi i ligjit në Maqedoninë e Veriut.
“Për ne me rëndësi janë proceset, më me rëndësi është që të vazhdojmë të investojnë në standardet demokratike, në sundimin e ligjit dhe shtetit juridik”, tha Ali Ahmeti, kryetar i BDI-së.
Sipas rezultateve paraprake të KSHZ-së, Lëvizja BESA në këshillin e ri komunal do të ketë 12 mandate këshilltarësh, BDI 11, VMRO DPMNE 4, LSDM 2 dhe nga një PDSH dhe Alternativa. Pa këshilltar ka mbetur Aleanca për Shqiptaret dhe nisma “Më mirë për Tetovën”.
