“Ne ramë dakord ta diskutojmë gjerësisht në samitin e G-20″ në Indonezi. Ne do të sigurojmë që anijet me drithëra të arrijnë në të gjitha vendet që kanë nevojë për to, veçanërisht në Somali, Xhibuti dhe Sudan, të cilat po luftojnë me një krizë serioze ushqimore dhe urinë”, tha Erdogan, transmeton InfoShqip.
Rusia dhe Turqia kanë arritur një marrëveshje për të ofruar grurë falas për vendet në nevojë, duke përfshirë Xhibutin, Somalinë dhe Sudanin, tha të premten (4 nëntor) presidenti turk Rexhep Tajip Erdogan.
“Presidenti rus Vladimir Putin më tha gjatë bisedës sonë telefonike se ne duhet të dërgojmë grurë falas në vendet përfshirë Xhibutin, Somalinë dhe Sudanin. Ne ramë dakord”, tha Erdogan në një fjalim televiziv, raporton Agence France-Presse.
“Ne ramë dakord ta diskutojmë gjerësisht në samitin e G-20” në Indonezi. Ne do të sigurojmë që anijet me drithëra të arrijnë në të gjitha vendet që kanë nevojë për to, veçanërisht në Somali, Xhibuti dhe Sudan, të cilat po luftojnë me një krizë serioze ushqimore dhe urinë“, tha Erdogan.
Këtë javë, Rusia iu rikthye një marrëveshje drithi që lejon eksportet e Ukrainës të kalojnë përmes Detit të Zi.
Marrëveshja e arritur në korrik, e ndërmjetësuar nga Kombet e Bashkuara (OKB) dhe Turqia, do të rinovohet më 19 nëntor, tre ditë pas përfundimit të samitit të G20 në Bali, por Kremlini nuk ka konfirmuar ende se do të bie dakord për atë.
Të enjten, presidenti ukrainas Volodymyr Zelensky tha se vendi i tij nuk do të merrte pjesë në samitin e G-20 nëse presidenti rus do të ishte pjesëmarrës.
Udhëheqësi rus ende nuk ka konfirmuar nëse ai do të vijë.
Ukraina, një nga eksportuesit më të mëdhenj të grurit në botë, u detyrua të ndalojë pothuajse të gjitha dërgesat pasi Rusia pushtoi vendin më 24 shkurt./InfoShqip.com
