Zv/kryeministri për qeverisje të mirë Arben Fetai sot është takuar me ambasadorin e Turqisë në Shkup, Fatih Ulusoy.
Në takim u diskutua për forcimin e mëtejshëm të marrëdhënieve miqësore mes Maqedonisë së Veriut dhe Turqisë, me theks të veçantë në bashkëpunimin ekonomik.
Ambasadori Ulusoy vlerësoi marrëdhëniet e shkëlqyera mes dy vendeve dhe shprehu gatishmëri për të mbështetur iniciativat e përbashkëta. Fetai theksoi se miqësia dhe partneriteti me Turqinë janë shtylla të rëndësishme për reformat dhe zhvillimin ekonomik. (INA)
