Presidenti turk Rexhep Taip Erdogan e ka kritikuar kryeministrin izraelit Benjamin Netanjahu për sulmin e Izraelit ndaj ekipit negociator të Hamasit në Katar javën e kaluar, duke thënë se Netanjahu është ideologjikisht si famijar i Hitlerit.
“Ashtu si Hitleri nuk mundi të parashikonte humbjen që e priste, Netanjahu do të përballet me fatin e njëjtë përfundimtar”, shtoi ai pas kthimit nga Doha, ku mori pjesë në një samit të jashtëzakonshëm arabo-islamik pas sulmit ajror izraelit.
“Ne e kemi mbështetur zgjidhjen me dy shtete për vite me radhë”, tha ai.
Sulmi ndaj ekipit negociator të Hamasit është një sfidë e qartë për rendin ndërkombëtar dhe të drejtën ndërkombëtare për Erdoganin. Ai pohoi se udhëheqja izraelite “e ka shndërruar mentalitetin e saj radikal në asgjë më shumë se një rrjet vrasës të ndërtuar mbi ideologjinë fashiste”.
Presidenti turk theksoi se miratimi i Deklaratës së Nju-Jorkut mbi zgjidhjen me dy shtete në Asamblenë e Përgjithshme të OKB-së përfaqëson një pikë kthese të madhe në peizazhin diplomatik të çështjes palestineze. Deklarata u miratua nga 142 vende, ndërsa Erdogan theksoi se ajo pasqyron mbështetjen e kahershme të Turqisë pikërisht për këtë zgjidhje me dy shtete, e cila tani është bërë vullneti i përbashkët i shumicës botërore.
