Lderi i BDI-së, Ali Ahmeti tha se kanë fituar shumicën e votës popullore në gjithë vendin, pavarësisht që nuk kanë fituar garën për kryetarë të komunave, shkruan TV21. Ahmeti tha se ky është një mesazh nga qytetarët të cilin e pranojnë.
“Kemi fituar shumicën e votës popullore në mbarë vendin, apo më mirë të thuhet të votës kombëtare në këto zgjedhje me mbi 23 mijë vota më shumë. Por nuk kemi arritur të fitojmë garën për kryetarë të komunave. Ky është një mesazh kompleks që ne e pranojmë me respekt dhe përgjegjësi. Qytetarët kanë treguar se besojnë në vlerat tona, në vizionin tonë por njëkohësisht kërkojnë që rinovojmë mënyrën se si i përfaqësojmë këto vlera në terren”, tha Ali Ahmeti.
