Sot do të fillojë periudha për regjistrimin e votuesve jashtë Kosovës në zgjedhjet e parakohshme për Kuvendin e Kosovës, të cilat do të mbahen më 28 dhjetor.
Zëdhënësi i KQZ-së, Valmir Elezi, ka dhënë detaje për mënyrën e regjistrimit të votuesve jashtë Kosovës, e cila do të përmbyllet më 6 dhjetor.
“Gjatë kësaj periudhe 11-ditore (26 nëntor – 6 dhjetor 2025), të gjithë shtetasit e Kosovës që jetojnë jashtë vendit mund të aplikojnë për t’u regjistruar si votues jashtë Kosovës. Aplikimi mund të bëhet përmes (1) platformës elektronike të KQZ-së https://diaspora.kqz-ks.org ose përmes (2) postës duke dërguar aplikimin në kutinë postare të KQZ-në në Kosovë”, ka deklaruar Elezi.
