Pyetja që po shtrohet më shumë nëpër rrjetet sociale edhe në popullatë se pse lideri i BDI Ali Ahmeti nuk mori pjesë ditën e djeshme në kuvend në momentin kur u shpall Talat Xhaferi kryeparlamentar sonte i është përgjigjur deputeti i BDI, Artan Grubi.
Deputeti Grubi sonte ka qenë i pranishëm në emisionin “Click Plus në RTV21” dhe pyetjes se pse Ali Ahmeti nuk ka qenë në kuvend tha se shërbimet e vendeve mike dhe kuadrot shqiptare që janë në DSK, kanë njoftuar se mund të ketë incidente dhe se ka pasur njerëz që kanë dashur ta sulmojnë ashpër Ali Ahmetin. Grubi gjithashtu ka thënë se nëse Ali Ahmeti do kishte qenë në kuvend do mund të ndodhte më e keqja. /InfoShqip
