45 vjeçari nga Shkup, i punësuar si inspektor në Drejtorinë e Sigurisë dhe Kundërzbulimit pas ndalimit nga policia për ushtrimin e dhunës në Kuvend, ka përfunduar me arrest shtëpiak. Ndaj tij është shqiptuar kjo masë, duke iu konfiskuar dokumenti personal. Nga Prokuroria Publike theksuan se është arrestuar edhe personi i 8-të nga 15 personat e kërkuar për incidentin e 27 prillit. Katër prej tyre kanë përfunduar me paraburgim.
Inspektori i DSK para dy viteve ishte punësuar në këtë drejtori, ndërsa para kësaj kohe po punonte si automekanik në një servis të makinave në Shkup. (INA)
