Gjatë ditës së sotshme kandidati për kryetar komune të Çairit nga radhët e BDI ka zhvilluar takime me esnafë dhe afaristë të ndryshëm në Çarshi.
Esnafët e Çarshisë kanë mirëpritur dhe kanë mbështetur kontratën e kandidatit të Bashkimit Demokratik për Integrim për kryetar të komunës së Çairit, Visar Ganiu.
Afaristët e Çarshisë në takimet e realizuara me prof. dr. Visar Ganiu, bartësin e listës për këshilltarë në qytetin e Shkupit, Besnik Ajeti, bartësin e listës për këshilltarë në komunën e Çairit dr.Fikri Abdullai dhe përfaqësuese të forumit të BDI-së Dega Çair u shprehen të gatshëm të kontribuojnë në zvillimin ekonomik të komunës.
“Jemi të kënaqur nga programi i Visar Ganiut se si ai e sheh dhe planifikon të duket Çairi pas 4 viteve. Sidomos më pëqen ideja e zgjatjes së orarit të punës në dyqanet e Çarshisë”, është shprehur një afarist gjatë takimit me Ganiun.
Ganiu me ekipin e tij, u ka premtuar esnafëve të Çarshisë së Shkupit, se ai do të jetë në dispozicionin e tyre 24 orë në ditë për çfarëdo problemi apo nevojë të kenë.
“KONTRATA për Çairin në vete përmban projekte edhe për Çarshinë e vjetër të Shkupit, projekte kto që presim ti realizojmë bashkë me esnafin sepse ata e dijnë më së miri të këshillojnë kur bëhet fjalë për ndonjë projekt që realizohet në hapësirat e Çarshisë“ ka thënë Ganiu.
Ndërsa, bartësi i listës për këshilltarë në qytetin e Shkupit, Besnik Ajeti, u ka premtuar esnafit të Çarshisë se ai do jetë zëri i tyre në këshillin e qytetit të Shkupit./InfoShqip.com
