Ambasadori spanjoll në Serbi Raul Bartolome tha se Madridi nuk e njeh pavarësinë e Kosovës dhe se nuk do ta ndryshojë atë qëndrim.
“Ishte një politikë shtetërore. Ne do të pranojmë vetëm atë që pranon edhe Serbia,” i tha Bartolome mediave serbe.
Bartolome tha se Spanja nuk ka asnjë informacion në lidhje me nismën e Maqedonisë Veriore, kur Zëvendës Kryeministri i Parë i së cilës Artan Grubi njoftoi se vendi do t’i kërkojë Spanjës të njohë Kosovën.
“Spanja nuk do të ndryshojë pozicionin e saj në lidhje me çështjen e Kosovës, vetëm sepse një vend na kërkon,” përfundoi Bartolome.
