Aleanca për Shqiptarët ka reaguar sot për dështimin e radhës të Qeverisë për të filluar negociatat për anëtarësim në Bashkimin Evropian. Me këtë rast, kjo parti opozitare kërkoi edhe njëherë formimin e qeverisë së zgjëruar deri në organizimin e zgjedhjeve të parakohshme parlamentare.
“Sot, kur kjo qeveria e re e vjetër, SDSM-BDI feston 100-ditëshin e parë, në Bruksel është duke u mbajtur një takim i rëndësishëm i Këshillit të Përgjithshëm të Bashkimit Evropian, ku do të duhej të ishte marrë një vendim sa i përket Maqedonisë së Veriut. Fatkeqësisht, tanimë e dijmë të gjithë që nuk ka datë as kësaj radhe dhe nuk do të ketë kurrfarë vendimi sa i përket Maqedonisë së Veriut në këtë mbledhje të Këshillit të BE-së. Ky është dështimi i shtatë me radhë i qeverive Zaev 1 dhe 2 për të marrë datë për hapjen e negociatave për anëtarësim në BE. Ndonëse se kanë marrë 7 dështime, kjo nuk e ka penguar treshen e rrencave Zaev, Dimitrov Osmani që të mashtrojnë qytetarët vazhdimisht me gjoja marrjen e datës për fillim të negociatave”, tha mes tjerash në një konferencë për media Arben Fetai nga Aleanca për Shqiptarët.
VIDEO
