Sot, Azerbajxhani përfundoi procesin e marrjes së territorit, të cilin Armenia ia dha asaj në përputhje me marrëveshjen e paqes të ndërmjetësuar nga Rusia, e cila përfundoi konfliktin 6-javor mbi Nago-Karabak, raporton AP.
Presidenti i Azerbajxhanit Ilham Aliyev përshëndeti kthimin e kontrollit mbi ato zona si një arritje historike.
“Ne të gjithë jetuam me një ëndërr dhe tani e kemi përmbushur atë. Ne fituam një fitore në fushën e betejës dhe në arenën politike dhe kjo fitore hap një epokë të re për vendin tonë,” tha Aliyev në fjalimin e tij drejtuar kombit.
“Do të jetë një kohë zhvillimi, sigurie dhe përparimi.”
Rajoni i Lachinit, i vendosur në mes të Karabakut dhe Armenisë, është i treti nga tre zonat në periferi të Nago-Karabakut që u dorëzuan nga forcat armene sot.
Udhëheqësit e të tre vendeve, Vladimir Putin (Rusi), Ilham Aliyev (Azerbajxhan) dhe Nicole Pashinyan (Armeni), nënshkruan një deklaratë të përbashkët në 10 nëntor mbi ndërprerjen e plotë të armiqësive në Nago-Karabak.
Sipas deklaratës, një pjesë e rajonit po hyn nën kontrollin e Azerbajxhanit, palët do të shkëmbejnë të burgosurit dhe paqeruajtësit rusë do të vendosen përgjatë vijës së kontaktit dhe përgjatë korridorit Lachin që lidh Karrabagun me Armeninë.
