Babai i Elon Musk ka thënë gjatë një interviste se nuk mburret me djalin e tij miliarder, duke thënë se Elon është i pakënaqur me përparimin e tij në karrierë.
Gjatë intervistës së çuditshme të hënën me radion australiane “The Kyle and Jackie O Show”, 76-vjeçari Errol Musk u pyet nëse ishte krenar për arritjet e Elon, shkruajnë mediat e huaja, përcjell Telegrafi.
Dhe Errol u përgjigj: “Jo. E dini, ne jemi një familje që kemi bërë shumë gjëra për një kohë të gjatë, nuk është sikur filluam të bëjmë diçka papritmas”.
Plaku Musk tha se ai dhe fëmijët e tij me gruan e tij të parë – Elon, Kimbal dhe Tosca – kanë parë dhe bërë shumë gjëra së bashku si udhëtimet në Kinë, pyjet tropikale të Amazonës dhe vende të tjera.
Megjithatë, në intervistën e së hënës ai pranoi se Elon, themeluesi i Tesla dhe shefi i SpaceX, ka arritur mjaft në krahasim me vëllezërit e motrat e tij.
Sidoqoftë, krahasuar me Elon, Errol tha gjatë intervistës se djali tjetër i tij, Kimbal Musk, është “krenaria dhe gëzimi” i jetës së tij.
Kimbal është një pronar restoranti dhe kuzhinier me një vlerë neto të vlerësuar prej 700 milionë dollarë, megjithëse Errol pretendoi se Kimbal ishte gjithashtu një miliarder, raportoi Business Insider.
Intervista e Errol të hënën erdhi vetëm disa ditë pasi djali i tij vendosi të ngrejë një kundërpadi kundër Twitter, e cila përshkallëzoi luftën e tij ligjore kundër gjigantit të mediave sociale për përpjekjet e tij për t’u larguar nga një marrëveshje blerjeje prej 44 miliardë dollarësh. /Telegrafi/
