Komuna Qendër sot herët në mëngjes ka nisur me rrënimin e një objekti që siç thuhet është ndërtim ilegal në rrugën e “Plastikave” në Shkup. Sipas komunës Qendër, rrënimi i objektit ilegal midis rrugëve “Samoili” dhe “Nikola Karev” ka nisur në orën 3.30 me asistimin e policisë, informon INA.
Ndërkohë, në vendin e ngjarjes as sot nuk është paraqitur investitori i këtij objekti, që është i panjohur. Vendimi për rrënim ishte dhënë në fazën e parë, kur inspektorët e ndërtimit kishin konstatuar se bëhet fjalë për ndërtim të paligjshëm, por investitori kishte vazhduar ndërtimin./ina
