Ish ministri në Qeverinë e Republikës së Maqedonisë nga viti 2006-2008 në radhët e PDSH-së, Xhelil Bajrami, ka pohuar për emisionin “Studion e Hapur” në TV Nova, se problemi më të cilin nuk po kanë mundësi të pajtohen elitat politike maqedonase në Maqedoni, është numri i shqiptarëve I cili është afër 40%.
“Problemi i palës maqedonase është tek numri 40 për qind i shqiptarëve që janë në Republikën e Maqedonisë. Ku një pjesë e elitës politike maqedonase, intelektuale, analist e të tjerë nuk i duan shqiptarët si qytetarë të barabartë në konceptin kolektiv shoqëror, por i dëshirojnë vetëm si një etni pakicë, me të cilët mund të manovrojnë”, deklaroi ish ministri Xhelil Bajrami.
Ai më tej shtoi se Shqipëria asnjëherë nuk është përzier në politikat e brendshme të Maqedonisë, por për kundrazi, ka treguar një politikë të hapur dhe transparente, për një fqinjësi të mirë dhe një rajon stabil.
