Demokrati Joe Biden fitoi të hënën votimin shtet për shtet të Kolegjit Zgjedhor, që përcakton zyrtarisht presidencën në SHBA. Kalifornia, shteti më i populluar i vendit, i dha Bidenit 55 votat e saj elektorale, duke bërë që ai të kapërcejë zyrtarisht totalin e 270 votave, të nevojshme për të siguruar Shtëpinë e Bardhë. Bazuar në rezultatet e nëntorit, Biden fitoi gjithsej 306 vota të Kolegjit Zgjedhor kundrejt 232 të Republikanit Donald Trump.
Më herët gjatë ditës, zgjedhësit në disa shtete kryesore fushë-betejë, Trump u përpoq pa sukses të ndryshonte rezultatin – Arizona, Xhorxhia, Miçigani, Nevada, Pensilvania dhe Uiskonsini – votuan gjithashtu për Biden, i cili pritet të marrë detyrën në 20 janar.
“Në këtë betejë për shpirtin e Amerikës, mbizotëroi demokracia. Ne, njerëzit votuam. Besimi në institucionet tona ligjore u mbajt gjallë.Integriteti i zgjedhjeve tona mbeti i paprekur. Nëse askush nuk e dinte më parë, ne tani e dimë. Ajo që rreh fort në zemrat e popullit amerikan është kjo: demokracia. E drejta për t’u dëgjuar, për të llogaritur votën, për të zgjedhur udhëheqësit e këtij kombi, për të qeverisur veten. Në Amerikë, politikanët nuk marrin pushtetin, njerëzit ua pranojnë atyre, – thekson Biden pasi mori rezultatin përfundimtar nga Kolegji Zgjedhor Amerikan -. Flaka e demokracisë u ndez në këtë komb shumë kohë më parë. Dhe tani ne e dimë se asgjë, madje as një pandemi ose abuzim i pushtetit, nuk mund ta shuajë atë flakë“.
