Duke folur për sfidat e Bashkimti Evropian, për konfliktin në mes të Turqisë dhe Greqisë, për Bjellorusinë, shefi i diplomacisë së BE-së, Josep Borrell ka folur edhe për Ballkanin dukë thënë se BE-ja u përball me një provë të madhe kur bëhet fjalë për zgjidhjen e siç e quan ai grindjes midis Serbisë dhe Kosovës.
“Nëse ne nuk e stabilizojmë Ballkanin, do të jetë shumë e vështirë të konsiderohesh një fuqi gjeopolitike. Sepse askush tjetër nuk do ta bëjë këtë – vetëm evropianët”, ka thënë Borelli.
Udhëheqësi i Politikës së Jashtme të BE-së po ashtu ka paralajmëruar se udhëheqësit e bllokut të BE-së do të vendosin sanksione ndaj zyrtarëve të Bjellorusisë, përfshirë Lukashenkon. Kjo sipas tij pritet të ndodhë në fund të këtij muaji.
