Kryeministrja e Serbisë, Ana Brnabiq ka mbërritur në Severna Mitrovicë, ku për pritje janë mbledhur një numër i madh i qytetarëve të Severna Mitrovicës dhe nga e gjithë Kosova, transmeton InfoShqip.
Vizita e Ana Brnabiq filloi me një vizitë në Qendrën Multimediale në Mitrovicë, ku u prit nga kryetari i komunës Milan Radojeviq, përfaqësuesit e Listës Serbe Goran Rakiq dhe Igor Simiq, si dhe një numër i madh i qytetarëve të mbledhur me flamuj dhe pankarta të Serbisë.
“Është kënaqësi dhe nder i madh për mua që jam në Kosmet, dua që nga këtu, me Kosovën dhe Metohinë, të dërgoj një mesazh të qartë, një mesazh paqeje, stabiliteti dhe tolerance dhe mesazhin e Presidentit të Serbisë. Aleksandar Vuçiq, se ne do të jemi gjithmonë me popullin tonë në Kosovë“, tha Ana Brnabiq, duke iu drejtuar turmës në ndërtesën e Qendrës Multimediale në Mitrovicë.
Kryeministrja tregoi se ky është një moment jashtëzakonisht i vështirë dhe kompleks, por se është e kënaqur që pavarësisht provokimeve, paqja është ruajtur.
“Interesat e Serbisë janë paqja dhe stabiliteti”, tha Ana Brnabiq.
Ajo theksoi se në vitet e fundit shteti ka investuar më shumë në Kosovë se në 40 vitet e fundit.
“Shteti është në shërbim të qytetarëve të tij dhe gjithçka që kemi bërë në Serbinë qendrore duam të bëjmë dhe të ndihmojmë serbët e Kosovës”, tha Ana Brnabiq.
Ajo shtoi se është me rëndësi që në Mitrovicë është ndërtuar një qendër ku fëmijët do të mund të mësojnë teknologji moderne, sepse kjo, së bashku me sigurimin e paqes, do të sigurojë prosperitetin e Kosovës.
“Që familjet të qëndrojnë këtu, të shohin të ardhmen e tyre këtu, të shohin rritje të pagave dhe pensioneve”. Ne do të jemi me popullin serb dhe më vjen mirë që jam këtu, në këto rrethana të vështira”, tha Ana Brnabiq./InfoShqip.com
