Bullgaria i ka dhënë një diplomati rus 72 orë për të lënë vendin, për shkak të akuzave që ai ka qenë i angazhuar në spiunazh që nga viti 2017, njoftoi të premten Ministria bullgare e Punëve të Jashtme. Bëhet fjalë për diplomatin e gjashtë rus të dëbuar nga një anëtar i NATO-s që nga tetori 2019.
Ambasada ruse në Sofje tha se dëbimi ishte i pabazuar dhe se Moska rezervon të drejtën të përgjigjet me të njëjtën masë. Prokurorët bullgarë thonë se diplomati rus kërkoi të dhëna të ndjeshme ushtarake, përfshirë numrin e ushtarëve amerikanë në stërvitjet ushtarake në Bullgari.
Në deklaratë thuhej se ata kishin prova se ai kishte kontaktuar një shtetas bullgar, të cilit i ishin ofruar para për informacion. Gjatë komunizmit, Bullgaria ishte aleati më i rëndësishëm i Moskës në Evropën Lindore. Pavarësisht tensioneve të mëvonshme të rastit, Rusia është furnizuesi kryesor me energji i Bullgarisë dhe të dy vendet ushqejnë lidhje të ngushta kulturore dhe të tjera.
