Ministri i Jashtëm i Turqisë, Mevlüt Çavuşoğlu, theksoi se problemet me Bashkimin Evropian (BE) mund t’i zgjidhin vetëm me dialog dhe diplomaci. Çavuşoğlu pas takimit me homologun e tij hungarez, Peter Szijjarto, në ministri zhvilluan konferencë të përbashkët për media. Në një pyetje rreth Samitit të Liderëve të BE-së që do të zhvillohet më 10-11 dhjetor, kryediplomati turk tha se, “BE-ja duhet të ndërmarrë rolin e ndërmjetësuesit të drejtë“.
Ai tha se Turqia në periudhën e fundit ka dhënë mundësi të rëndësishme diplomacisë. “Në rastin e parë anija (sizmike Oruç Reis) u nis me vonesë, në të dytën erdhi në Portin e Antalya-s për mirëmbajtje. Dëshiruam që këto procese të vlerësohen mirë por vërejtëm hapat provokuese të Greqisë dhe palës qipriote greke. Pamë qëndrimet negative. Në një proces të tillë, BE-ja kishte mundësi që të sillte Greqinë dhe administratën greke qipriote në tryezë, fatkeqësisht nuk ndodhi“, tha ai.
Çavuşoğlu gjithashtu theksoi se Greqia ka hedhur hapa provokuese për shkeljen e statusit të ishujve të demilitarizuar, duke shtuar se vendi i tij ka qenë shumë i durueshëm gjatë gjithë këtyre proceseve dhe se Greqia nuk është afruar për dialog. “Problemet me mund t’i zgjidhim vetëm me dialog dhe diplomaci“, tha kryediplomati turk.
