Udhëheqësi Suprem i Irani, Mojtaba Khamenei, ka shprehur ‘pikëllim të thellë’ për vrasjen e Ali Larijani, Sekretarit të Këshillit Suprem të Sigurisë Kombëtare, i cili humbi jetën në një sulm ajror izraelit.
Në mesazhin e tij të ngushëllimit, Khamenei e cilësoi Larijanin si “një njeri të mençur, inteligjent dhe të përkushtuar”, duke vlerësuar kontributin e tij gjatë rreth 50 viteve në nivele të ndryshme të sistemit shtetëror iranian.
“Ai kishte përvojë të gjerë në fusha të ndryshme dhe u bë një figurë e shquar falë shërbimit të tij të gjatë”, thuhet në deklaratë.
Udhëheqësi iranian theksoi gjithashtu se vrasja e tij tregon rëndësinë që kishte.
“Nuk ka dyshim se kjo ngjarje dëshmon peshën e tij dhe urrejtjen që armiqtë e Islamit kishin ndaj tij”, tha Khamenei.
Ai paralajmëroi se përgjegjësit do të përballen me pasoja.
“Armiqtë duhet ta dinë se derdhja e këtij gjaku vetëm sa e forcon sistemin islamik. Çdo pikë gjaku do të ketë një çmim, të cilin autorët e këtij krimi do ta paguajnë herët a vonë”, u shpreh ai.
Në fund të mesazhit, Mojtaba Khamenei shprehu ngushëllimet për familjen e Ali Larijani, bashkëshorten dhe fëmijët e tij.
