Princi Harry ka refuzuar të marrë pjesë në kurorëzimin e babait të tij, mbretit Charles sipas një fragmenti nga një intervistë që ai dha për rrjetin televiziv ITV, në të cilën ai thotë se heshtja për problemet e tij me familjen mbretërore të Britanisë nuk ndihmon.
Harry, djali më i vogël i mbretit Charles ka dhënë dy intervista në rrjet për t’u shfaqur përpara publikimit të librit të tij “Spare” javën e ardhshme, i cili pritet të përfshijë më shumë kritika ndaj familjes mbretërore dhe këshilltarëve të saj.
I pyetur nëse ai do të merrte pjesë në kurorëzimin nëse do të ftohet, Harry u përgjigj: “Shumë mund të ndodhin nga tani dhe atëherë. Por, e dini, dera është gjithmonë e hapur, topi është në fushën e tyre. Ka shumë për të folur dhe unë sinqerisht shpresoj se ata janë të gatshëm të ulen dhe të flasin për këtë.”
Citimi u postua nga ITV në Twitter sot, disa orë pasi Guardian publikoi fragmente nga libri i Harry-t, në të cilin ai akuzon vëllain e tij William se e ka shtyrë dhe e ka hedhur në dysheme Meghan gjatë një debati për gruan e Harrit.
“Unë nuk e di se si heshtja do t’i përmirësojë gjërat,” thotë Harry.
I pyetur për reagimin e William ndaj komenteve të tij kritike pasi ai tërhiqet nga detyrat e tij mbretërore në vitin 2020, Harry u përgjigj: “Natyrisht që ai do të ketë thënë gjithçka që mund të imagjinoni”.
Intervista e ITV dhe një tjetër paraqitje në “60 Minutes” të CBS do të transmetohen të dielën, dy ditë para publikimit të autobiografisë së tij.
