Pamjet e një përleshjeje në bord në një fluturim të Thai Smile Airways janë bërë virale në internet, pasi një pasagjer u sulmua pasi refuzoi udhëzimet e ekuipazhit për të ngritur ndenjësen përpara nisjes.
Incidenti ndodhi në Bangkok kur avioni ishte gati të nisej për në Kalkuta, Indi, raportoi NDTV.
Stjuardesat u thanë pasagjerëve që t’i rregullonin sediljet në pozicionin drejt dhe të lidhnin rripat e sigurimit, por njëri prej tyre nuk pranoi ta bënte këtë, duke thënë se i dhembte shpina.
Pavarësisht kërkesave të përsëritura, burri refuzoi me këmbëngulje të bindej dhe i tha ekuipazhit se mund ta raportonin te kapiteni nëse dëshironin.
Menjëherë pas kësaj, pasagjerët e tjerë u hodhën lart, të zemëruar me sjelljen e tij dhe u përballën me të.
Një video e marrë nga një pasagjer tregon disa njerëz që sulmojnë burrin ndërsa ai përpiqet të shmangë goditjet ndërsa ekuipazhi bën çmos për të rivendosur regullin.
Fluturimi u vonua për shkak të këtij konflikti në të cilin nuk pati lëndime serioze.
Pasagjerët e përfshirë në përleshje nuk u lejuan të porosisin pije alkoolike gjatë fluturimit.
Byroja e Sigurisë së Aviacionit Civil të Indisë tha se po shqyrtonte pamjet dhe po hetonte rastin.
Bangkok To kolkata flight 😊🤨👇 pic.twitter.com/8KyqIcnUMX
— Munna _Yadav 💯%FB (@YadavMu91727055) December 28, 2022
