Me gjakftohtësi të plotë, “Zonja e Parë” e SHBA-ve, Jill Biden, iu përgjigj talljeve të qytetarëve pasi e quajtën bashkëshortin e saj “si “presidenti më i keq që kanë pasur ndonjëherë”, transmeton InfoShqip.
Siç raporton Independent, gjatë vizitës së saj në Konektikat javën e kaluar, bashkëshortja e Joe Biden nuk është pritur mirë nga të pranishmit, por thirrjeve të tyre ajo ka preferuar t’i përballojë me dashamirësi dhe buzëqeshje.
“Burri juaj është presidenti më i keq që kemi pasur ndonjëherë”, i bërtiti një burrë Jill Bidenit teksa ajo po hynte në sallonin e akullores Arethusa Farms në zonën e New Haven.
E veshur me një fustan me lule, Jill buzëqeshi, i përshëndeti dhe u tha: “Faleminderit! Faleminderit për mbështetjen tuaj, faleminderit!”
E rrethuar nga stafi i saj i sigurisë – ajo kishte të paktën shtatë truproja – zonja Biden injoroi komentet e pakëndshme për burrin e saj.
Por ishte një burrë tjetër që me siguri po i drejtohej asaj: “Ti je rrëmujë”, u dëgjua duke thënë.
Por Jill sërish rezistoi: “Faleminderit!”, madje ka shkaktuar edhe të qeshura tek disa prej të pranishmëve, siç tregon edhe video përkatëse e postuar në rrjetin social Twitter, shkruan gazeta britanike. /tesheshi.com/
VIDEO:
"Your husband is the worst President we ever had, you OWE us gas money"
Jill Biden: THANK YOU pic.twitter.com/PV3VieDsJX
— PatrioticBabe 🇺🇸 (@PatrioticBabe_) July 21, 2022
