Këngëtari shqiptar Eugent Bushpepa u ngjit në skenën e Eurovizion, për të kënduar këngën “Mall” e cila është pëlqyer shumë nga fansat.
Por Eugenti u rendit i 11-ti në finalen e madhe të Eurovizionit.
Ama nëse do të kthehemi pas në natën e parë kur Eugent Bushpepa kaloi në finale, duhet thënë se në fakt ai mori shumë pikë dhe pse nuk u publikuan.
Në momentin që u lajmëruan finalistët nuk u bënë publike votat e marra nga juria dhe televotuesit.
Faqja e WIWIbloggs’ pas finales ka publikuar dhe renditjen e pikëve të çdo shteti për natën e parë konkurruese ku juria ka vlerësuar Bushpepën me 114 pikë, duke u renditur kështu i treti pas Izraelit dhe Austrisë.
Ndërsa me votat e publikut, Bushpepa është renditur i 11 me 48 pikë. /albeu
