Shtatë persona të dyshuar për infektim nga koronavirusi në QKUK të mërkurën kanë rezultuar negativ në testet e realizuara sot.
Lajmin e ka bërë të ditur përmes një komunikate Instituti Kombëtar i Shëndetësisë Publike.
“IKShPK njofton opinionin se gjatë ditës së sotme në Laboratorin e Mikrobiologjisë molekulare janë testuar 7 mostra të dyshimta për Koronavirus. Pas analizave të kryera, të 7 (shtatë) rastet e testuara kanë rezultuar negative”, thuhet në njoftimin e IKShPK-së.
Sikurse edhe ditëve të kaluara, MSh dhe IKSHPK do ta njoftojnë në kohë reale publikun për rastet e testuara për Koronavirus dhe rezultatet e tyre.
