Edhe pse duhet të ndjekin një protokoll veshjeje, me kalimin e viteve zonjat mbretërore na kanë treguar se janë fashioniste të vërteta, duke u bërë frymëzim për të gjithë. Padyshim, njëra prej këtyre zonjave është Kate Middleton, e cila sjell një qasje elegante me veshjet e saj klasike. Në anën tjetër të spektrit, ylli i popit Dua Lipa sapo na ka treguar se është frymëzuar nga Kate për veshjen e saj.
Së fundmi, Dua Lipa ka postuar disa foto në Instagram, me një fustan të Marc Jacobs, i cili kishte jaka të mëdha. Ky detaj i veçantë është shumë i ngjashëm me Kate. Një nga tendencat e saj të preferuara janë jakat e mëdha.
Epo ja që dhe yjet frymëzohen nga stilet mbretërore, dhe të kesh Kate si inspirim, nuk është kurrë një zgjedhje e gabuar. Kate është dalluar gjithmonë për elegancën dhe stilin e saj unik.
