Sulmuesi norvegjez Haaland është sulmuesi më i kërkuar nga ekipet e mëdha në Evropë. Duket se do të jetë një duel i fortë midis Real Madrid dhe Manchester City për të fituar shërbimet e bomberit norvegjez.
Haaland nuk e ka fshehur kurrë se do të dëshironte të luante në Santiago Bernabeu me klubin iberik, i cili e ka vendosur sulmuesin në listën e të parëve për të transferuar në Madrid.
Gjithashtu nga ana tjetër është dhe klubi anglez i Manchester city që kërkon shërbimet e sulmuesit të Dortmund. Guardiola humbi në fillim Agueron i cili u transferua në Barcelonë e tashmë Ferran Torres i cili gjithashtu u transferua në Barcelonë.
Guardiola i ka kërkuar klubit të fillojë kontaktet e para me klubin e Dortmund. Për të shuajtur konkurrencën, Manchester City ka kontaktuar agjentin e tij Raiola.
