Gjigantët italianë tashmë e kanë tërhequr ofertën e tyre për rinovimin e kontratës. Paolo Dybala është më afër se kurrë largimit nga skuadra e Juventusit, raporton kështu Calcio Mercato.
Biankonerët e kanë tërhequr ofertën që do ta bënte argjentinasin njërin prej 20 futbollistëve më të paguar në Europë.
Dybala nga ana tjetër është në kërkim të ofertave edhe më të mëdha, që me shumë mundësi do të përfundojnë me largimin e tij nga Juventusi këtë verë.
Premier Liga duhet të jetë destinacioni i ardhshëm i lojtarit argjentinas por duke mos harruar edhe interesimin nga Reali dhe Barcelona si një plan B i Haalandit dhe Mbappesë.
