Presidenti turk Recep Tayyip Erdoğan sot në Ankara deklaroi se nuk do ta lejojë kthimin e Turqisë në të kohërat e kaluara, kur priste para dyerve të mbyllura të Fondit Monetar Ndërkombëtar (FMN) për huamarrje, transmeton Anadolu Agency (AA). Erdoğan tha se Turqia nga pandemia e koronavirusit do të dalë edhe më e fuqishme.
“Vendi ynë nga ky proces do të dalë edhe më i fuqishëm, në ekonomi dhe në fusha të tjera. Prandaj, secili qytatarë i yni duhet t’i kushtojë vëmendje të madhe masave parandaluese”, theksoi Erdoğan në një ceremoni të prezantimit të unionit të kompanive të sigurimeve.
