Melania Trump qëndroi e qetë gjatë kontrollit të FBI-së në resortin luksoz të bashkëshortit të saj në Mar-a-Lago, edhe pse koleksioni i saj i veshjeve shkonte lart e poshtë.
Ndryshe nga Melania, ish-presidenti amerikan u shfaq i zemëruar teksa agjentët kontrolluan rrobat dhe sendet personale të bashkëshortes së saj.
“Sapo mësova se agjentët kontrolluan dollapët e Zonjës së Parë dhe kontrolluan rrobat e saj dhe sendet personale duke lënë një rrëmujë. Uau!”, shkroi Trump në Truth Social.
Në fakt, sipas pesë dëshmive në CNN, ai vetë ishte shumë më i zemëruar se personi i interesuar drejtpërdrejt.
Çifti, raporton CNN, kanë dhoma gjumi të veçanta në rezidencën prej 3500 metrash katrorë. Dhoma e gjumit dhe dollapi i Melania-s janë afër dhomës së gjumit dhe zyrës së Trump.
Melania mund të jetë shqetësuar nga të panjohurit që gërmonin koleksionin e saj të shtrenjtë dhe përrallor të rrobave, këpucëve dhe çantave, por ajo nuk shprehu ndonjë shqetësim të fortë.
Qetësia e saj, sipas burimeve, qëndron në sigurinë se asgjë nuk do të gjendet në dhomën e gjumit apo dollapin e saj. “Ajo nuk do ta lejonte kurrë që të kishte diçka të tijën në dhomën e saj”, tha një burim për CNN. /tesheshi.com/
