Qytetarët e Maqedonisë së Veriut këtë javë pritet përfundimisht të marrin lajm për hapjen ose jo të kufijve. Se do të ketë një vendim mes shteteve fqinje këtë javë e kaluar e paralajmëroi ministri i Shëndetësisë, Venko Filipçe.
Edhe pse qëndrimi i autoriteteve shëndetësore ishte i njëjtë edhe javën e kaluar, ndryshimi i regjimit të lëvizjes së lirë të qytetarëve të rajonit do të ketë epilog në takimin e ardhshëm onlajn midis vendeve të Ballkanit Perëndimor, Bullgarisë dhe Greqisë.
Deri tani nuk janë dhënë detaje se kur pritet të zhvillohet takimi.
Ministri i Shëndetësisë Venko Filipçe ka theksuar se meqë gjendja epidemiologjike është e ngjashme në të gjithë rajonin, autoritetet e vendeve të rajonit paralajmëruan këshill koordinues për veprim të përbashkët në sjelljen e vendimeve për luftë kundër pandemisë.
Por, paraprakisht duhet të hiqet kushti për test PCR që të kalohet kufiri.
Pritet që këtë javë një koordinator i Ministrisë së Shëndetësisë para përfaqësuesve të vendeve të tjera ta prezentojë gjendjen në vend me Kovid-19, pas së cilit në takim të ri duhet të dakordohet politikë e përbashkët për kufijtë.
