LSDM ka marrë qëndrim për të mbështetur protestën e sotme të LSM-së dhe kërkesat që punëtorët i kanë drejtuar Qeverisë. Por, siç theksoi lideri i LSDM-së, Venko Filipçe, nuk do të ofrojnë mbështetje të organizuar partiake.
“Unë mendoj se kërkesat janë reale, objektive, dhe se paga më e lartë është e merituar dhe vërtet e nevojshme për të mbijetuar për familjet punëtore në shtet. Më vjen keq që kanë përfunduar praktikat e mira nga e kaluara, nga kohët e Qeverive të LSDM-së, kur në vazhdimësi rriteshin paga minimale dhe mesatare. Paga minimale u dyfishua, gati u dyfishua edhe paga mesatare, dhe kjo në kohë të krizave më të mëdha, kur bota nuk kishte parë më parë COVID-in, krizën energjetike”, tha Filipçe.
I pyetur nëse do të jetë sonte në protestën e organizuar nga Lidhja e Sindikatave të Maqedonisë, Filipçe u përgjigj se nuk do të ofrojnë mbështetje të organizuar partiake.
“Sigurisht, disa anëtarë tanë që janë pjesë e sindikatës mund të dalin. Por ne nuk japim mbështetje të organizuar partiake me qëllim që të mbështetet protesta në këtë kuptim. Nuk mendojmë se duhet dhënë. Duhet të jetë një dalje autentike në rrugë, po ashtu siç është dalja autentike e organizatës, për të cilën ne nuk kemi asnjë rol”, tha Filipçe.
