Analisti politik Blerim Shala deklaroi se, sipas tij, ekzistojnë katër të vërteta në lidhje me dialogun midis Beogradit dhe Prishtinës. Shala shprehet si e vërteta e parë që nuk ka asnjë shtet ose qeveri në Perëndim që të dijë se si do të përfundojë dialogu në Bruksel, transmeton InfoShqip.
Sipas tij, e vërteta e dytë është se asnjë nga vendet perëndimore nuk mund të parashikojë kornizën kohore në të cilën do të nënshkruhet marrëveshja ndërmjet Kosovës dhe Serbisë.
E vërteta e tretë është se “kryeqytetet e Perëndimit, pra Uashingtoni, Brukseli, Berlini, Parisi, Londra dhe Roma, nuk e dinë se kur do të arrihet një marrëveshje midis autoriteteve më të larta të Prishtinës dhe Beogradit“.
Pretendimi i katërt i bërë nga Shala është se kryeqytetet e Perëndimit, pasi ata e dinë mjaft qartë se cili duhet të jetë një element kryesor i Marrëveshjes Gjithëpërfshirëse ndërmjet Kosovës dhe Serbisë (njohja e ndërsjellë, të cilën dy administratat e fundit amerikane të Presidentit Biden dhe Trump kanë publikisht artikuluar) dhe megjithëse e dinë që Kosova dhe Serbia duhet të nënshkruajnë Marrëveshjen për Normalizimin e Marrëdhënieve sa më shpejt të jetë e mundur, nuk është aspak e qartë se si dhe kur negociatorët kryesorë të Prishtinës dhe Beogradit do të jenë në gjendje të arrijnë epilogun e bisedimeve./InfoShqip.com
