Në orët e fundit, Turqia ka përshkallëzuar provokimet përpara Samitit vendimtar të BE. Ankaraja po flet për të drejtat sovrane në Kastelorizo dhe si duket nuk ka në plan të tërhiqet edhe me vendosjen e sanksioneve.
“Greqia, si fëmija i llastuar i Evropës, synon të provokojë sanksione të Bashkimit Evropian kundër Turqisë në bazë të akuzave maksimaliste dhe të paligjshme për kufijtë detarë dhe hapësirën ajrore”, tha Ministria e Jashtme Turke në një deklaratë disa ditë para Samitit.
“Asnjë sanksion nuk do ta detyrojë kurrë Turqinë të heqë dorë nga të drejtat e saj sovrane në Kastelorizo ose hapësirën ajrore të 10 miljeve detare“, tha Ankaraja në një deklaratë, duke shtuar se “Greqia duhet të hyjë në një dialog të pakushtëzuar me Turqinë sa më shpejt të jetë e mundur”.
