Shehide Imeri, më 3 janar të këtij viti i ka mbushur një shekull jetë. Por pavarësisht moshës, ajo ende sheh mirë të punojë punë dore, dhe ende nuk përdor asnjë medikament. Megjithatë këtë te marte, e prishi këtë rend.
Ilaçi i parë për 100 vjeçaren nga Skenderaj, rastisi të ishte vaksina anti – COVID.
“Mirë shumë po ndjehem. Jo kurrë s’jom tutë prej virusit, as prej kurrgjafit”– është shprehur 100 vjeçarja.
Shehidja të martën, u vaksinua bashkë me vajzën e saj, Hajrijen 75 vjeçe, dhe djalin e saj Feratin 78 vjeçar. Ky i fundit madje thotë se e moshuara i motivoi të tjerët.
“Kur e shihnin njerëzit nanën t’u u vaksinu, tjerët menjëherë u vaksinojshin, nuk pritshin rixhe hiq. Masi I murrum vaksinat, pritum nja 15 minuta. E pyta nanën a po ndihet mirë, tha po. Edhe motra tha po, edhe erdhum n’shpi”- ka thënë 78 vjeçari.
Ndërsa, e bija e Shehides, Hajrija, thotë se nuk po ndjejnë asnjë efekt anësor që kur u imunizuan.
“Kena flejt mirë, kena hangër mirë, as nuk e dijna që e kena marrë vaksinën, veç kur na pyt najkush na kujtohet” – ka thënë Hajrija
Shehidja, Ferati, e Hajrija, që së bashku i kanë 253 vjet jetë, u kanë bërë thirrje të gjithëve të vaksinohen.
Video:
