Një grua e arrestuar nga Policia në Texas të Shteteve të Bashkuara të Amerikës ka arritur që të lirohet nga prangat dhe ta merrte nën kontroll veturën e Policisë ku gjendej në mbajtje nga Policia, shkruajnë mediat amerikane.
Sipas raporteve, gruaja ishte arrestuar për vjedhje në një dyqan. Ndërkohë që Policia po ia kontrollonte çantat, e dyshuara arriti që të zgjidhte duart nga prangat dhe të dilte në ulëset e përparme të makinës së Policisë, transmeton Gazeta Metro.
Pastaj, ajo e voziti makinën me shpejtësi deri në 120 kilometra në orë duke tentuar që të ikte nga Policia, por ajo u ndalua dhe u arrestua sërish pas 23 minutash më poshtë.
Krejt këtë ngjarje e kapën kamerat e sigurisë të vendosura në veturë, ndërkohë që Policia deklaroi që do të sigurohet që gjëra të tilla të mos ndodhin herave të tjera.
