Ish-presidenti i Rusisë dhe nënkryetari i Këshillit të Sigurimit ka bërë një sërë kërcënimesh të rrezikshme dhe të çmendura që nga fillimi i pushtimit rus në Ukrainë.
Mirëpo, duket se me postimin e fundit në Telegram, në të cilin prezantoi vizionin për dukjen e Evropës pas luftës, ka tejkaluar veten.
Gjegjësisht, në hartën që ai publikoi, territori i Ukrainës përbëhet vetëm nga Kievi dhe rrethinat e tij, ndërsa pjesa tjetër e territorit është e ndarë ndërmjet Rusisë, Polonisë dhe Rumanisë.
Natyrisht, më së shumti do të fitonte Rusia, e cila do të merrte të gjithë anën lindore të Ukrainës deri në Kiev, si dhe të gjitha portet e rëndësishme të Detit të Zi.
Mbetet e paqartë se si Rusia mund t’i sjellë Rumaninë dhe Poloninë “në anën e saj”, duke pasur parasysh se të dyja vendet janë anëtare të aleancës së NATO-s, e cila ka një qëndrim të qartë kur bëhet fjalë për pushtimin.
Meqë ra fjala, ky nuk është kërcënimi i parë i tillë nga Medvedev, i cili pak ditë më parë tha se Ukraina mund të zhduket nga harta botërore si pasojë e zhvillimeve të ngjarjeve.
“Pas grushtit të shtetit në 2014, Ukraina humbi pavarësinë e saj dhe ra nën kontrollin e drejtpërdrejtë të Perëndimit koket dhe filloi të besonte se NATO do të garantonte sigurinë e saj. Si rezultat i të gjitha ngjarjeve aktuale, Ukraina mund të humbasë atë që ka mbetur nga sovraniteti i saj shtetëror dhe të zhduket nga harta botërore”, ka shkruar aleati i Vladimir Putinit, Medvedev. /Telegrafi/
