Në një ceremoni të mbajtur në Londër, hoteli Passalacqua, i vendosur në liqenin e Komos, në Itali, u shpall hoteli më i mirë në botë.
Hoteli më i mirë në botë u ndërtua nga Papa dhe frekuentohej nga kompozitorët më të njohur italianë.
Napoleon Bonaparte dhe Winston Churchill kaluan nëpër korridoret e tij. Mund të thuhet se Hoteli Passalacqua, edhe kur nuk ishte hotel, ishte gjithmonë i destinuar për “gjëra të mëdha”.
Pra, nuk është çudi që në përzgjedhjen për hotelin më të mirë të mbajtur në Londër më 19 shtator, në listën e 50 hoteleve më të mira në botë, doli në vendin e parë, shkruan CNN.
Juria e përbërë nga ekspertë ekonomikë vendosi për këtë pallat me 24 apartamente dhe jo për një nga zinxhirët e famshëm të hoteleve luksoze.
Pasalakva hapi dyert e tij në vitin 2022 pas një restaurimi tre-vjeçar. Për pronarët, familja vendase De Santis, kjo nuk është përvoja e tyre e parë në “industrinë e hoteleve luksoze”, ata gjithashtu zotërojnë Grand Hotel Tremezzo gjithashtu në Como, i famshëm për pishinën e tij që ndodhet në liqen. Pronarët Antonella Malone dhe Paolo De Santis i besuan vajzës së tyre Valentina De Santis për të hapur këtë pronë. Ishte Valentina ajo që ishte përgjegjëse për rikthimin e kësaj godine në shkëlqimin e dikurshëm.
