Një moment i veçantë dhe emocional u regjistrua gjatë konventës promovuese të koalicionit VLEN, e cila u mbajt në Shkup.
Teksa kryetari i Komunës së Tetovës, Bilall Kasami, po mbante fjalimin para të pranishmëve, një burrë i moshuar nga Shkupi u ngjit në skenë dhe e përqafoi publikisht liderin opozitar.
Plaku, i emocionuar dhe mes duartrokitjeve të publikut, iu drejtua Kasamit me fjalët:
“Je kryetari më i suksesshëm në Maqedoni”, duke e cilësuar atë si shembull të udhëheqjes së ndershme dhe vizionare.
Ky gjest simbolik u prit me entuziazëm nga të pranishmit, të cilët shpërthyen në ovacione e brohoritje.
