Zëvendëskryeminsitri i parë Izet Mexhiti me ftesë të presidentit të Ukrainës po qëndron në Odesa ku po organizohet Samiti “Ukrainë-Evropa Juglindore”, transmeton TV21. Këtë e ka bërë të ditur zëvendëskryeministri Mexhiti në rrjetin social Facebook i cili shkuran: “Sot, me ftesë të Presidentit të Ukrainës Volodimir Zelenski, po qëndroj në Odesa, ku po organizohet Samiti “Ukrainë – Evropa Juglindore”, një ngjarje me rëndësi të jashtëzakonshme për rajonin tonë dhe gjithë kontinentin”.
Ndër të tjera, Mexhiti thekson se Maqedonia e Veriut qëndron fuqishëm përkrah Ukrainës, ndërsa shton se ky Samit shtë një moment kyç për të riafirmuar mbështetjen tonë të palëkundur për sovranitetin dhe integritetin territorial të Ukrainës.
