zraeli eliminon dy gjeneralë të lartë iranianë, sulmet po vazhdojnë ndaj drejtuesve ushtarakë të Iranit.
Izraeli ka goditur përsëri udhëheqjen ushtarake të Iranit, duke eliminuar dy zv/kryetarë të Shtabit të Përgjithshëm iranian.
Bëhet fjalë për Mehdi Rabbani, përgjegjës për operacionet, dhe Gholamreza Mehrabi, kreun e inteligjencës.
Në një video të publikuar, komandanti i ri i Gardës Revolucionare, Ahmad Vahidi, paralajmëron se hakmarrja do të vazhdojë “sa të jetë e nevojshme”.
Paraardhësi i tij, Hossein Salami, u vra dje në një tjetër sulm të Izraelit, shkruan timesofisrael.
Ndërkohë, ushtria izraelite njofton se po vazhdon të synojë objektivat raketor brenda territorit iranian, duke goditur dhjetëra lëshues raketash tokë-tokë.
Këto sulme janë pjesë e një fushate më të gjerë që synon dobësimin e kapaciteteve ushtarake të Iranit.
Lajmet për sulmet gjatë natës përfshijnë goditje në disa objekte kyçe, përfshirë sistemet e mbrojtjes ajrore të Iranit, duke rritur tensionet në rajonin e Lindjes së Mesme.
