Agjencia amerikane “Bloomber” ia ka kushtuar një shkrim të veçantë marrëveshjes përfundimtare që pritet të nënshkruhet ndërmjet Kosovës dhe Serbisë në Bruksel.
Aty është përmendur edhe opsioni më i përfolur; Korrigjim i mundshëm i kufijve që nënkupton ndarjen e Kosovës. Sipas agjencisë nga SHBA-ja, ky veprim mund t’i konvenonte Rusisë.
“Një rezultat i tillë mund t’i jepte legjitimitet Moskës për një zgjidhje të ngjashme për të ngrirë konflikte në Moldavi, Gjeorgji dhe Ukrainë”, thuhet në shkrim.
Ndër të tjera, “Bloomber” përmendi edhe deklaratat e fundit të dy presidentëve, Aleksandar Vuçiçit dhe Hashim Thaçi në forumin Alpbach që u mbajë në Austri.
Agjencia amerikane vlerëson se shkëmbimi territorit do të ishte një zgjidhje e keqe. “Shkëmbimi territorial midis Kosovës dhe Serbisë do të çonte në shumë probleme”, thuhet në shkrim.
